Париж Олимпиадасының чемпионы Елдос Сметов ағылшын тілін үйрену мақсатында Ұлыбританияның Лондон қаласына оқуға кетпек, – деп хабарлайды Aikyn.kz.
Ақтөбеде өтіп жатқан дзюдодан Қазақстан чемпионатына арнайы қонақ ретінде шақырылған спортшы сұхбат барысында алдағы жоспары жөнінде айтып берді. Ол бүгінде ағылшын тілін үйренуді қолға алған.
– Келесі жылдың басында Лондонға 4 айға оқуға барамын. Арнайы ағылшын тілін үйрену үшін кетіп бара жатырмын. Құдай қаласа, Халықаралық дзюдо федерациясына (IJF) ағылшынша сұхбат беремін, – деді спортшы.