Семей қаласындағы Морозов көшесінде колледждердің бірінде бірінші қабатта өрт шықты, – деп хабарлайды Aikyn.kz ТЖМ баспасөз қызметіне сілтеме жасап.
Шақыру орнына жеткеннен кейін өрт сөндірушілер кабинетте жиһаз бен төбенің жанатын бөлшектерінің өртенгенін анықтады. Өрт сөндіру бөлімшелері келгенге дейін барлық студенттер мен қызметкерлер өз бетінше далаға шықты.
– Құтқарушылардың шебер және жедел әрекеттерінің арқасында өрт 15 шаршы метр алаңда сөндірілді. Зардап шеккендер жоқ. Өрттің себебі анықталуда, – делінген ақпаратта.