В тобында қазір алматылықтар 6 ұпаймен көш бастап тұр. Франциялық «Этуаль» хорватиялық «Футзал Динамо» командасын 4:3 есебімен жеңгеннен кейін «Қайраттың» мерзімінен бұрын финалдық кезеңге шыққаны белгілі болды.
Екі турдан кейін «Этуальда» – 3, «Футзал Динамо» мен «Олмиссум» командаларында 1 ғана ұпайдан бар. Бірінші турда «Қайрат» «Этуальды» 4:2 есебімен жеңгендіктен, алдағы ойындардың нәтижесі ештеңені шешпейді. Алматылықтар өз тобындағы соңғы кездесуін «Футзал Динамо» командасымен өткізеді. Чемпиондар лигасының жартылай финалына «Қайраттан» басқа қалған үш топтың жеңімпазы жолдама алады.
Ал семейліктер «Рекордты» 5:0 есебімен тас-талқан қылды. Өкінішке қарай, бірінші матчта «Пальмаға» есе жіберіп (1:4) қойған.