Қарағанды облысы Шет ауданындағы шаруа қожалықтарының бірінің аумағынан 45 жастағы әйелдің мәйіті табылды, – деп хабарлайды Aikyn.kz Massaget.kz-ке сілтеме жасап.
Әлеуметтік желілерде әйелдің фермада аспаз болып жұмыс істегені, ал оны өлтірді деген күдікке күйеуінің ілінгені айтылады. Қарағанды облысы Полиция департаментінің баспасөз қызметі кісі өлімі туралы ақпаратты жоққа шығарды. Бөлімше әйелдің асфиксиядан қайтыс болғанын мәлімдеді. Әлеуметтік желіде айып тағылған ер адам оның әріптесі болып шықты.
"Бұл дерек бойынша қылмыстық іс қозғалды. Сот-медициналық сараптаманың қорытындысы бойынша, әйелдің өліміне асқазандағы тыныс жолдарының бітелуінен туындаған асфиксия себеп болған. Дәрігерлердің айтуынша, әйелдің денесінен ешқандай жарақат анықталмаған", – деп хабарлады ведомство.
Полицейлер оқиғаның мән-жайын анықтап жатыр.
Департамент жалған ақпарат тарату бойынша қылмыстық жауапкершілік бар екенін ескертті.