World Boxing ұйымы 2027 жылы Астанада бокстан әлем чемпионатын өткізу туралы ресми түрде жариялады, – деп хабарлайды Aikyn.kz.
Қазспорт телеарнасының мәліметінше, бұл әлемдік біріншілік халықаралық жарыс күнтізбесіндегі маңызды оқиға болмақ. Себебі турнир 2028 жылы АҚШ-тың Лос-Анджелес қаласында өтетін жазғы Олимпиада ойындары қарсаңында ұйымдастырылады.
«2027 жылы Олимпиада алдында өтетін бокстан әлем чемпионатын өткізу – Қазақстан үшін үлкен мәртебе әрі жауапкершілік. Біздің ел ірі халықаралық спорттық жарыстарды жоғары деңгейде өткізуде мол тәжірибеге ие және бұл турнир де сол дәстүрден тыс қалмайтынына сенімдімін», – деді Қазақстан Ұлттық олимпиадалық комитетінің президенті, World Boxing Олимпиадалық комиссиясының төрағасы Геннадий Головкин.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.