Полицияның мәліметінше, жол апаты бүгін сағат 13:30-да Біржан сал ауданындағы Қоғам – Қаратал ауылындағы жолда болған.
Ауа райының қолайсыздығына (жолдың көрінбеуіне, боранға) байланысты 40-қа жуық көлік соқтығысқан.
Оқиға орнында полиция жұмыс істеп жатыр.
- Әзірге қаза болғандар мен зардап шеккендер туралы ақпарат түскен жоқ. Оқиға орнында полиция және төтенше жағдайлар қызметінің мамандары жұмыс істеп жатыр. Көліктерді эвакуациялау және жол қозғалысы қауіпсіздігін қамтамасыз ету шаралары жүргізілуде, - деген полиция ақпаратында.
Сонымен қатар, Қарағанды облысы Осакаров ауданы «Алматы-Екатеринбург» автожолының 1107 шақырымында қар құрсауында жолаушылар автобусы мен жеңіл автокөлік тұрып қалды. ТЖМ құтқарушылары 32 адамды құтқарып қалды. Эвакуацияланғандар медициналық көмекке мұқтаж болмады.
ТЖМ дауылды ескертулерге назар аударып, ауа райы нашарлаған жағдайда елді мекеннен тыс жерге жолға шықпауға кеңес береді