Дүниежүзілік бокс қауымдастығы (WBA) 2024 жылдың бірінші қаңтары мен отыз бірінші желтоқсанға дейінгі көрсеткен нәтижелеріне негізделген жаңартылған рейтингті жариялады, – деп хабарлайды Aikyn.kz 1bol.kz-ке сілтеме жасап.
Бұған дейін Иван Дычко WBA рейтингінде 14-орында тұрақтаған еді. Алайда, жаңартылған кестеде спортшының есімі жоқ.
Айтулы тізімде қазақстандық боксшы Сұлтан Заурбек (19-0, 13 КО) үшінші орынға жайғасса, Батыр Жүкембаев (21-1, 16 КО) 12-орында тұр.
Тағы бір отандасымыз Бек Нұрмағанбет (13-0, 11 КО) те өз салмағында 12-орынға табан тіреген.
Естеріңізге сала кетейік, Иван Дычко (14-0, 13 КО) 2024 жылдың 27 желтоқсанында Алматыда ресейлік Виталий Кудуховпен (7-2, 3 КО) жекпе-жек өткізу керек болған. Бірақ отандасымыздың оқу-жаттығу кезінде алған жарақатына байланысты кездесу кейінге қалды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.