Орта салмақтағы ұлттық құраманың үздігі Таиландта өтетін бокс кешіне қатысып көрмек. Аталмыш кездесу 1 ақпан күні Бангкок қаласында болады, – деп хабарлайды Aikyn.kz «Спорт министрі» Telegram арнасына сілтеме жасап.
Оны қазақстандық және таиландтық промоутерлік компаниялар бірлесе ұйымдастырып жатыр. Әзірге Мұхаммедсабырдың қарсыласы белгісіз. Белгілісі бокс кешінде Мұхаммедсабыр Базарбайұлынан бөлек, Руслан Мадиев, Елшат Нығметолла, Нұрдос Төлебай және Армат Арманұлы сияқты қазақстандық боксшылар кәсіпқой бокстағы кезекті кездесулерін өткізеді.
Айта кетейік, Мұхаммедсабыр 2024 жылы Париж Олимпиадасына қатысып, ширек финалға дейін жеткен болатын. Артынша Таиландта өткен Азия чемпионатында бақ сынады. Бірақ жүлдегерлер қатарына кіре алмады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.