Алматы облыстық ПД баспасөз қызметінің хабарлауынша, есірткі бизнесіне қарсы күрес басқармасы Алматы облысында өткізген арнайы операция кезінде марихуана мен гашиштің ірі партиясын анықтаған. Жедел тексеру іс-шаралары Алматы–Бішкек тасжолында ұйымдастырылып, 97-шақырымында Pontiac автокөлігі тоқтатылған. Куәгерлердің қатысуымен жолаушыдан төрт келі 627 грамм марихуана және 5,52 грамм гашиш тәркіленген.
Облыстық полиция баспасөз қызметінің өкілдері: «Жолаушы ретінде таксимен жүрген Жамбыл облысының 43 жастағы тұрғыны ұсталды. Ер адам бұрын есірткі заттарын сақтағаны үшін қылмыстық жауапқа тартылған. Осы дерекке қатысты ҚР Қылмыстық кодексінің 296-бабы 4-бөлігі («Есірткі, психотроптық заттармен, сол тектестермен өткізу мақсатынсыз заңсыз жұмыс істеу») бойынша тергеу шаралары жүріп жатыр», – деді.Күдікті Жамбыл аудандық полиция бөлімінің уақытша ұстау изоляторына қамалды. https://youtu.be/l60U7BgeKB4