Астанада вокзалдан қараусыз қалған бала табылды, – деп хабарлайды Аikyn.kz.
WhatsApp чаттарында қараусыз қалған бала туралы хабарлама тарады. Онда баланы әдейі тастап кеткені және қалтасында "Баладан бас тартамын" деген жазба бар екені айтылған.
Көлік департаментінің баспасөз қызметі ақпаратты растады. Сонымен қатар полиция баланың анасы іздестіріліп жатқанын хабарлады.
"Астана" стансасындағы Желілік полиция басқармасы кәмелетке толмаған баланы қауіпті жағдайда қалдыру дерегі бойынша соталды тергеу бастады. Табылған бала профилактикалық мақсатта медициналық мекемеге орналастырылды, – деп мәлімдеді баспасөз қызметі.