Есіл аудандық ауруханасы жеке кіріс салығы мен әлеуметтік салық бойынша декларацияны нөлдік көрсеткіштермен тапсырғаны анықталды, – деп хабарлайды Aikyn.kz порталының тілшісі.
Осылайша аудандық аурухана мемлекет бюджетіне 17 миллион 200 мың теңге салықты мүлде аудармаған болып шықты. Өрескел заңсыздық прокуратуралық тексеріс кезінде анықталған.
– Есіл аудандық прокуратурасымен аудандық аурухана салық органына жеке кіріс және әлеуметтік салық бойынша декларация ұсынылып, онда бюджетке салықтың нөлдік мәндегі сомасы көрсетілгені белігілі болды, – дейді Ақмола облыстық прокуратурасының баспасөз қызметінен.
Аудандық прокуратураның араласуымен аталған заңсыздық түзетіліп, аурухана салықты толық көлемде төлеген. Облыстық прокуратура кінәлі тұлғалардың жауапкершілікке тартылғанын жеткізді.
Абзал АЛПЫСБАЙҰЛЫ,
Ақмола облысы