Астана қаласындағы №38 мектеп-лицейінің 7 «Д»-сынып оқушысы Бақтығали Ерланұлы ақылды қоқыс жәшігін ойлап тапты. Бұл туралы елорда әкімдігінің сайты жазды, – деп хабарлайды Aikyn.kz.
Әр нәрсеге қызығушылық танытып, қоғамдық ортаның тазалығына мән беріп жүретін елордалық оқушы үйдегі қоқыс жәшіктерін автоматтандырған. Яғни, жәшіктердің қақпақтары адам қолын жақындатқанда өздігінен ашылып, 5 секундтан кейін қайтадан жабылады.
«Мен қоқыс салғыштардың қақпақтарын қолмен ашу дұрыс емес деп ойлаймын. Себебі қақпақтағы көзге көрінбейтін микробтар адамның қолында қалып, ішкі ағзасына өтуі мүмкін. Осылайша, қақпағы өздігінен ашылатын етіп жасадым», – дейді оқушы Бақтығали Ерланұлы.
Болашақта тілші болуды армандайтын оқушы ғылыми жаңалықтарды зерттеп, оны жариялауды қазірден үйреніп жүргенін айтады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.