Алматыда метро жолаушыларын жөтелмен қорқытып қалжыңдаған 23 жасар пранкер тұтқындалды. Бұл туралы қалалық полиция департаментінің баспасөз қызметін хабарлады.
Ұсақ бұзақылық фактісі әлеуметтік желілерге мониторинг жүргізу барысында анықталды.
«Қазіргі қиын жағдайда азамат Х. әрекеті орынсыз. Жас жігіт хайп үшін барлық моральдық және этикалық нормаларды бұзды. Сол үшін ҚР ӘҚБтК-нің 434-бабы (Ұсақ бұзақылық) бойынша әкімшілік жауапкершілікке тартылды. Алматы қаласының мамандандырылған ауданаралық әкімшілік сотының шешімімен ол 10 тәулік мерзімге әкімшілік қамауға алынды», – деді Алматы қаласы полиция департаментінің ресми өкілі полиция подполковнигі Салтанат Әзірбек.
Сот процесі басталар алдында пранкер азаматтарға кешірім сұрады.
