Қазақстан Республикасы Қаржы министрлігінің Мемлекеттік кірістер комитеті 2025 жылғы 19 ақпанда 93 блогердің 9,8 млрд теңгеге қалыптастырылған хабарламасын кері қайтарды, – деп хабарлайды Aikyn.kz.
– Хабарламалардың қайтарылу себебі оларды жіберу және өңдеу процесінде техникалық ақаулардың пайда болуынан орын алды. Сонымен қатар, техникалық ақаулар жойылғаннан кейін 93 блогерге қатысты хабарламалар қайта қалыптастырылатынын назарларыңызға жеткіземіз, – делінген комитеттің мәлімдемесінде.
Естеріңізге сала кетейік, бұған дейін Кірістер комитеті 594 блогерге қатысты 53,3 млрд теңгеге хабарлама жіберген болатын.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.