Мәжілістің бұрынғы спикері Нұрлан Нығматулиннің ағасы Арғын Нығматулинге қандай айыптар негізінде іздеу жарияланғаны белгілі болды, - деп хабарлайды Aikyn.kz Orda.kz-ке сілтеме жасап.
Бас прокуратураның мәліметінше, Қарағанды облысында хоккейді дамытуға бөлінген бюджет қаражатын жымқырды деген күдікке ілінген Арғын Нығматулин мен басқа да тұлғаларға қатысты қылмыстық іс тергеліп жатыр.
- Алдын ала тергеу аясында А.Нығматулин күдікті деп танылып, оған сот санкциясымен қамауға алу түріндегі бұлтартпау шарасы таңдалды. Алайда ол Қазақстан Республикасының шегінен тыс жерде болғандықтан, оған халықаралық іздеу жарияланды», - деп жазылған Бас прокуратураның хабарламасында.
Тергеу кезеңінде өзге мәліметтер жарияланбайды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.