Төтенше жағдайға байланысты қоғамдық тәртіпті бақылау күшейтіледі
Төтенше жағдайға байланысты қоғамдық тәртіпті бақылау күшейтіледі
Фото: Интернеттен алынды
Қазақстанда қоғамдық тәртіп күшейтіледі. Бұл туралы Президенттің төтенше жағдайды жариялағаны туралы Жарлығында жазылған. «Қоғамдық тәртіптің сақталуы бойынша аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтілсін» делінген Президенттің Жарлығында. Бүгін Қазақстан Республикасында төтенше жағдай жарияланды. Бұл туралы Жарлыққа Қазақстан Президенті қол қойды. Жарлыққа сәйкес, ойын-сауық орталықтары, кинотеатрлар мен театрлардың жұмысы тоқтатылды. Қазақстан Республикасына келетін халықаралық ұйымдар делегацияларының мүшелерін қоспағанда ел аумағына көліктің барлық түрлерімен кіруге, сондай-ақ оның аумағынан шығуға шектеу қойылды.