АҚШ Конгресіндегі екі партияның өкілдері Түркияны ресми түрде Еуропа елдерінің санатынан шығарып, оны Таяу Шығыс елдері қатарына жатқызуды ұсынды, – деп хабарлайды Аikyn.kz
foxnews.com мәліметінше, бұл бастаманы өкілдер Брэд Шнайдер (демократия партиясы өкілі) мен Гус Билиракис (республикалық партия) көтерді.
Олардың пікірінше, Түркия Ресей, Қытай, Иран және ХАМАС-пен байланысын нығайтып, Батыс елдері мүдделеріне қайшы әрекет етуде. Заң жобасы АҚШ Мемлекеттік департаментінде Түркияның мәртебесін өзгертуді көздейді.
Анкара бұл ұсынысқа қарсылық білдіріп, өзінің Еуропалық Одақпен және НАТО-мен тығыз байланысын атап өтті. Алайда, сарапшылар Түркияның соңғы саясаты АҚШ-тың мүдделеріне қайшы келетінін және Вашингтонның оған деген көзқарасын қайта қарау қажеттігін айтады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз