Алматы облысы Балқаш ауданы Миялы ауылынан 20 шақырым жерде алты адамнан тұратын отбасы жеңіл көлікпен саңырауқұлақ теруге шығып, қайтып оралмаған, – деп хабарлайды Aikyn.kz.
Жоғалғандардың туыстары дабыл қағып, құтқарушылардан көмек сұрады.
– ТЖМ іздестіру тобы жоғалған отбасын тапты. Олар асуда батпаққа батып, қозғала алмай қалған, – делінген хабарламада.
ТЖМ өкілдері әрдайым өз жоспарларыңыз жайлы жақындарыңызға хабарлап отыруға және табиғат аясында абай болуға кеңес береді.