Қазақ әндері Гарвард университетінде орындалып, күй партитуралары әйгілі білім ордасының Әлем музыкасы мұрағатына табысталды, – деп хабарлайды Aikyn.kz
24.kz арнасының мәліметінше, Қазақстанның Нью-Йорктегі бас консулдығы мен скрипкашы Владимир Дё ұйымдастырған іс-шарада америкалық музыканттар «Япурай», «Назқоңыр» секілді халық әндерімен қатар Қуат Шілдебаев, Евгений Брусиловский, Ғазиза Жұбанованың шығармаларын орындады.
Шараға Гарвард университетінің мамандары мен студенттерінен бөлек, Бостондағы қазақ диаспорасы қатысты. Концерт аясында қазақ күйлерінің партитурасы Гарвард университетінің әлем музыкасы мұрағатына табысталды. АҚШ-та тұңғыш рет жарық көрген күй ноталары скрипканың соло орындауына және өзге де ішекті аспаптардың мақамына сәйкес етіп жасалған.
