Елде 200 мыңнан астам қазақстандық психикалық және мінез-құлық бұзылыстары диагнозымен есепте тұр, – деп хабарлайды Aikyn.kz
24.kz телеарнасының мәліметінше, олардың 38%-да ақыл-ой кемістігі болса, 29-ында органикалық психикалық бұзылыстары бар, шамамен 22% шизофренияға шалдыққан.
– Күзде маусымдық ауысулар ауа райының ауысуы кейбір адамдарға қатты тиеді. Сол уақыттарда адамның бойынан серотонин деген гормон аз бөлінеді де, бұл адамдарды әртүрлі депрессияға әкелуі мүмкін. Адам депрессияға әкелген кезде адамның бойында эмоциялар пайда болады да, сыртқы әрекеттерге, күш көрсету, зорлық-зомбылық, өзіне ұнамайтын нәрселерге олар тезірек бейім болады. Және көктемде серотонин көбірек болған соң адамды белсендіреді, – дейді психолог Балабек Сақтағанов.
Мамандар созылмалы психикалық аурулар бір күнде пайда болмайтынын ескертеді. Сондықтан баланың бойынан ерекшелік байқалса, бірден мемлекеттік емханаға қаралу қажет дейді.
