Павлодар облысына қарасты Баянауыл ауданымен аттас ауылда әже мен оның немерелері өрттен құтқарылды, – деп хабарлайды Aikyn.kz.
ТЖМ мәліметінше, жеке тұрғын үйдің біріне жапсарлас салынған жазғы асүй өртенген. Ағаш ғимарат пен негізгі ғимараттың төбесі отқа оранып, өрттің жалпы алаңы 60 шаршы метрді құрады.
– Өрт сөндірушілердің батыл әрекеттерінің арқасында үйдің терезесі арқылы үш адам құтқарылды: 1954 жылы туған әйел және оның 2017 және 2020 жылы туған екі немересі.Сондай-ақ өрт салдарынан 2009 жылы туған бала ауруханаға жеткізілді. Оны дәрігерлер қарап, үйге жіберілді, – делінген ақпаратта.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.