Цифрлық даму, инновациялар және аэроғарыш өнеркәсібі министрі Жаслан Мәдиев eGov порталында бір ЖСН-ге тіркелген мобильді нөмірлер санын тексеруге арналған жаңа функция пайда болғанын мәлімдеді, – деп хабарлайды Aikyn.kz.
Министрдің айтуынша, жаңа функция интернет алаяқтарға қарсы шара ретінде іске қосылған. Аталған функция eGov-та мобильді нөмірлердің заңсыз тіркелуіне қарсы күресте көмектеседі деп отыр.
- eGov-та белгілі бір ЖСН-ге тіркелген SIM-карталар санын тексеру функциясын іске қостық. Қазір eGov-қа кіріп, өзіңіздің ЖСН-іңізді енгізу арқылы қанша мобильді нөмір тіркелгенін оңай тексере аласыз. Егер көрсетілген сандар сіздің шын мәнінде пайдаланатын нөмірлеріңізге сәйкес келмесе, дереу мобильді операторға жүгініп, бұл жағдайды анықтай аласыз, – деді Мәдиев Мәжіліс кулуарында.
