Волейболдан Қазақстан Республикасы чемпионатының XXXIII маусымы аясында ерлер арасындағы Ұлттық лиганың финалдық кезеңі аяқталды, - деп хабарлайды Aikyn.kz.
Финалдық кездесулер нәтижесінде “ЖАЙЫҚ” волейбол клубы шешуші ойында Ақтөбе командасын 3:1 есебімен жеңіп, Ұлттық лиганың чемпионы атанды!
Чемпиондық тұғыр:
- 1-орын - “ЖАЙЫҚ” ВК (Батыс Қазақстан облысы)
- 2-орын - “Ақтөбе” ВК (Ақтөбе облысы)
- 3-орын - “Атырау” ВК (Атырау облысы)
Араға 27 жыл салып, “ЖАЙЫҚ” өз тарихындағы чемпиондық атағын қайта жаңғыртты! Бұған дейін 1998 жылы “Жайық-Конденсат” командасы ел чемпионы атанған болатын.
Бұл жеңіс – табандылықтың, қажырлы еңбектің және қайсар рухтың жемісі! Команда жанкүйерлердің зор қолдауын сезіне отырып, соңына дейін күресіп, мақсатына жетті.