Улы бизнеске – тосқауыл

Облыстық полиция кейінгі кезде тым көбейіп кеткен есірткі бизнесі мен нашақорлық қылмыстарын алдын алу және жолын кесу бағытында арнайы акциялық шаралар өткізуді қолға алды. Мұндағы басты мақсат – қазіргі тұтас қоғамның ащы жанайқайына айналған нашақорлықпен күрес пен оның зиянын жастарға барынша түсіндіру жұмыстарына бағытталыпты.

Бір ай ішінде жалпы облыс көлемінде он­даған арнайы шаралар ұйым­дас­ты­ры­лып, оған полиция органдарымен қатар, ор­та және арнаулы білім беру, денсаулық сақ­тау басқа да мемлекеттік мекемелер мен органдар қатысуда. Акция түрінде өт­кен кезекті іс-шара Көкшетау қаласында же­ке кәсіпкерлердің қаржылай қолдау кө­мегімен жүзеге асырылыпты. Полиция қыз­меткерлері қамқорлыққа зәру тұрмыс-жағ­дайы төмен отбасынан шыққан ба­ла­ларға мереке қайырымдылық концерттік бағ­дарламаларын ұсынды. Жеткіншек ба­лалар қарағай мен қайың көмкерген қаланың шеткі аудандарының бірінде ор­наласқан Letto-парк демалыс базасында бо­лып, онда мотоциклдер, квадроциклдер мен автомобильдермен қыдыру, ани­ма­торлардың қатысуымен түрлі ойындар, бай­қаулар мен көңілді басқа да шаралар жүр­гізіліп ол балалардың көңілінен шық­ты. Барлық балаға тәтті балмұздақтар мен сусындар, сондай-ақ басқа да тәтті сый­лықтар таратылды. Сондай-ақ шара ба­ры­сында балаларға «Сальто» батут ор­талы­ғы­на қатынау және спорт дүкеніне сый­лық сертификаттары салтанатты түрде та­быс етілді. 

Ұйымдастырушылардың айтуынша, бұл акция әлеуметтік қолдау түрінде ға­на емес нашақорлыққа қарсы күрес ай­лы­ғы шеңберінде жастар арасында на­шақ­ор­лықтың алдын алу жұмыстарының бір бө­лігі ретінде қарастырылған. 

– Балалар мен жасөспірімдердің бел­сен­ді өмір салты мен қызығушылықтарын қа­лыптастыру – жағымсыз құбылыстардың оның ішінде есірткіге, басқа да нашақ­ор­лыққа бағыттайтын заттарға тәуелділіктің алдын алудың маңызды құрамдас бөлігі бо­лып саналады. Біз балаларға бос уа­қыт­тарын қызықты әрі қауіпсіз өткізудің түрі көп екенін көрсетуге тырыстық, – дейді Ақ­мола облысы Полиция департаментінің на­шақорлық қылмысына қарсы іс-қимыл жөніндегі басқарма өкілі Разия Курсанова.

Шараларға ұйытқы болған полиция қыз­меткерлері осынау шара барысында бар көмектерін аямай балалар үшін қайы­рым­дылық концерттерін ұйымдастырып, тәт­ті сыйлықтары мен сертификаттар тар­ту еткен кәсіпкерлерге шынайы алғыс­тарын білдірді. Өйткені мұндай шаралар өз кезегінде мемлекеттік органдарды, сон­дай-ақ қоғам мен бизнес өкілдерінің күшін бір арнаға тоғыстырып, жастардың наша-қ­ор­лыққа тәуелділігінің алдын алуға, ке­ле­­шек ұрпақтың салауатты әрі белсенді өмір салтын ұстануға ықпалын тигізеді. 

Акция шеңберінде балалар мен жа­сөс­пірімдердің тәрбиесіне бағытталған се­минар шаралары да кеңінен өткізілуде. По­лиция департаменті Нашақорлыққа қар­сы күрес күніне орай есірткіге қарсы ай­лық шеңберінде Көкшетау қаласы мек­тептерінің директорлары, тәрбие жұмысы жө­ніндегі орынбасарлары мен ата-ана­ларға арналған семинар ұйымдастырды. Шара өскелең ұрпақ арасында профи­лак­тикалық жұмыстың тиімділігін арттыру үшін «Химиялық және химиялық емес тәуелділіктердің зияндылығына бағытта­лып­ты. Семинар шарасы «Жастар ара­сын­да есірткіге тәуелділіктің таралуына қарсы тұ­рудың құқықтық аспектілері» тақы­ры­бына өткізілді. Білім беру мекемелерінің бас­шылары, директорлардың тәрбие жұ­мы­сы жөніндегі орынбасарлары, ата-ана­лар қауымының өкілдері қатысқан іргелі ша­раға осы саланың жілігін шағып, майын ішкен, яғни қоғам арасында наша­қор­лық­тың таралуы мен оның алдын алу ба­ғы­тында жылдар бойы жұмыс істеген сарап­шы мамандар да толғамды ойларын ортаға сал­ды. 

Семинар тізгінін қолына алған «Зер­делі ұрпақ» үкіметтік емес ұйымының бас­­­шысы Гүлнар Оразбаева талқыланатын мә­селелердің жастар мен жасөспірімдер үшін өзекті екенін, әсіресе олардың есірткі заттарына тәуелділігінің алдын алуда түрлі құ­рылымдардың күш-жігерін шоғыр­лан­дыру­дың маңыздылығын атап өтті.

– Бүгінде есірткіге елітіп, аңдамай жү­р­іп нашақорлықтың шырмауына ілініп қа­л­ып жатқан жастардың қатары азаймай тұр. Сондықтан жастар арасында түсіндіру жұ­мыстарын жиі ұйымдастыру – оларды есірт­кі қылмыстарынан бойын аулақ салуына ықпал етпек. Бұл орайда күш құ­рылымдары ғана емес мемлекеттік ор­гандар, оқу орындары мен ата-аналар да күш біріктіруі аса маңызды. Жас­тары­мыз­дың есірткіге тәуелділігінің алдын алу ел­дің ертеңіне қосатын аса маңызды үлесіміз екенін түсінуіміз керек, – дейді Гүлнар Оразбаева. 

Семинар барысында жастар арасында құ­маройындар, компьютерге және интер­нет­ке сияқты химиялық емес тәуелділік, со­нымен қатар есірткі заттарын, психоак­тив­ті құралдар мен алкоголь және кальян тұ­тыну сияқты химиялық тәуелділіктің де өсуімен байланысты аса өзекті мәселелер тал­қыға түсті. 

Нашақорлыққа қарсы іс-қимыл жө­нін­дегі басқарма өкілі Рәзия Курсанова есірт­кі қылмыстарына қарсы күрестің құ­қықтық аспектілері жайлы егжей-тег­жейлі түсіндіріп, сонымен қатар тыйым са­лынған заттарды тұтыну мен таратудың ар­ғы жағында аса үлкен жауапкершіліктің тұ­ратындығын атап өтті. Сонымен қатар мұн­дай қылмыстық оқиғалардың ішінде кә­мелет жасына толмаған жастардың құ­қықбұзушылықтарының жаңа үрдестері туралы әңгімелеп берді. Бұл орайда білім беру мекемелерінде ата-аналармен бірле­сіп алдын алу жұмыстарын жүргізудің аса маңызды екені аталды.

Іс-шараға арнайы шақыртылған дә­рі­гер-психотерапевт, PhD докторы Мария Прилучкая жасөспірімдер арасындағы тәуелділіктердің қалыптасуының психоло­гиялық тетіктерін, олардың алғашқы бел­гі­лерін атап өтіп, ата-аналардың қандай жағ­дайға ерекше назар аударып, қауіпті топтарды ертерек анықтаудың маңыз­ды­лығы, сонымен қатар есірткіге тәуелділікке ұшыраған балалар мен жасөспірімдерді түзету мен алдын алудың заманауи әдіс­те­ріне тоқталып өтті.

Спикерлер есірткіге тәуелді­лік­тің ал­дын алу және мәселенің шешімін табу­ға ке­шенді ведомствоаралық тәсілді қол­дану­дың маңыздылығына назар ауда­рып, бұл орайда білім беру мекемелері, құ­қық қор­ғау органдары, медициналық ұйым­дар мен ата-аналар қауымының бір­лесе өзара тығыз қарым-қатынаста әрекет ету­дің қа­жеттігін жеткізді. 

Семинар қорытындысында іс-шара қа­­­­тысушылары білім беру ұйымдарындағы профилактикалық жұмыстарды күшейту бойынша практикалық ұсыныстарды тал­қы­ға салып, жасөспірімдердің ден­сау­лы­ғы мен құқықтық санасына жауапкер­шілік­пен қарауын қалыптастыру бойынша бағ­дарламаларды іске асыру жөнінде тә­жіри­белерімен бөлісті.

Мұндай кездесулер өскелең ұрпақтың ден­саулығы мен қауіпсіздігін сақтауға мол ық­пал тигізетіні сөзсіз. 

Абзал АЛПЫСБАЙҰЛЫ, Ақмола облысы