«Қазгидромет» РМК деректеріне сәйкес 24 маусым күні Қазақстан бойынша дауылды ескертулер жарияланды, – деп хабарлайды Aikyn.kz.
Ел бойынша найзағай, жаңбыр, дауыл, бұршақ, аптап ыстық (35°C-қа дейін); жел екпіні 15–25 м/с дейін болса, кей аймақтарда шаңды дауыл соғады.
Сонымен қатар, өңірлердің басым көпшілігінде жоғары және төтенше өрт қаупі күтіледі.
ТЖМ өкілдері мынадай кеңес береді:
- қатты ыстық пен жел кезінде орманға немесе далаға барудан аулақ болыңыз;
- найзағай кезінде ағаш астында тұрмаңыз, көшеде электроқұрылғыларды пайдаланбаңыз;
- от жақпаңыз, жанғыш заттарды күн астында қалдырмаңыз;
- ауа райы нашарлағанда – үйде болғаныңыз абзал.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.