Қазақ халқының сүйікті әншісі Мақпал Жүнісованың қызы Мерей Заманбекқызы кешкі ас үстінде ән айтып, жұртты таңғалдырды, – деп хабарлайды Aikyn.kz сайты.
Бұл туралы әнші өзінің Instagram парақшасында жариялады. Мерей Шәмші Қалдаяқовтың "Арыс жағасында" әнін орындаған.
"Туғандар әндетіп отырмыз. Кештеріңіз жарық болсын!", - деп жазды әнші.
Оның дауысын естіген көпшілік таңғалып, желі қолданушылары сүйсініп отыр.
"Дауысына дейін сізден айнымай қалыпты", "Дауысы қандай әдемі. Керемет орындайды екен", "Өте әдемі дауыс. Кішкене ұялып отырған сияқты", - деп жазды оқырмандары.
Бірақ Мерейдің таланты болса да, ол өнер жолын қаламайтынын айтқан екен.
"Өзі жалғыз отырғанда жақсы айтады, бірақ әнші болмаймын деді", - деп жауап берді Мақпал ханым.