Бүгін Алматы қаласы әкімдігінің баспасөз қызметі қала әкімінің орынбасары Әсем Нүсіпованың қызметінен кеткенін мәлімдеді, – деп хабарлайды Aikyn.kz сайты.
Ресми мәліметке сәйкес, ол бұл қызметті атқаруын өз еркімен тоқтатқан.
"2025 жылғы 7 тамыздан бастап Әсем Нүсіпова Алматы қаласы әкімінің орынбасары қызметін өз өтініші бойынша тоқтатты", – делінген әкімдік таратқан хабарламада.
Әсем Нүсіпова бұл лауазымды 2022 жылдың ақпанынан бері атқарып келген. Оның жетекшілігінде білім беру, денсаулық сақтау, халықты әлеуметтік қорғау мен жұмыспен қамту салалары болған.