Төтенше жағдайлар министрлігі Қазақстан бойынша дауылды ескерту жариялады, – деп хабарлайды Aikyn.kz. «Қазгидромет» РМК деректері бойынша 21 тамызда Қазақстанның бірқатар өңірлерінде келесі қауіпті ауа райы құбылыстары күтіледі:
солтүстік, орталық және шығыс облыстардың басым бөлігінде – найзағай, жаңбыр, бұршақ, тұман және екпіні 15–25 м/с дейінгі жел;
Алматы және Маңғыстау облыстарында – 35–38°C дейінгі қатты ыстық;
елдің оңтүстігі мен батысында – жоғары өрт қаупі сақталады.
ТЖМ ашық оттан аулақ болуды, найзағай мен қатты жел кезінде жабық жерлерді паналауды, жолдарда мұқият болуды және ТЖ кезінде 112 қоңырау шалуды ұсынады, – делінген министрліктің хабарламасында.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.