Таиландтық Thai Air Asia X әуе компаниясы Қазақстанға тікелей рейс ашады, – деп хабарлайды Aikyn.kz.
2025 жылғы 1 желтоқсаннан бастап Таиланд корольдігінің Thai Air Asia X лоукестері Қазақстан нарығына шығады.
Тасымалдаушы Бангкок – Алматы бағыты бойынша аптасына 4 рет дүйсенбі, сәрсенбі, бейсенбі және жексенбі күндері тікелей тұрақты жолаушылар әуе рейстерін орындайды.
Қазақстан мен Таиланд арасындағы тікелей әуеқатынасының ашылуы екі ел арасындағы сауда-экономикалық, іскерлік, инвестициялық, туристік және мәдени байланыстарды нығайтуға ықпал етеді.