Жол-көлік оқиғаларының артуына, сондай-ақ қаза тапқандар мен жарақат алғандардың көбеюіне байланысты полиция күшейтілген қызмет атқару тәртібіне көшті, – деп хабарлайды Aikyn.kz сайты.
Республикалық және облыстық маңызға ие бес бағытта жолдар дрондар арқылы әуеден бақылауға алынған.
Қостанай облыстық Полиция департаменті ескертеді:
Абай болыңыздар!
- Жол белгілері мен сызықтар тыйым салған жағдайда, қарсы бағытқа шықпаңыздар.
- Кез келген маневр алдында оның қауіпсіздігіне көз жеткізіңіздер.
- Жолда шаршасаңыз тоқтап, демалыңыз. Бұл сіздің өміріңізді сақтап қалуы мүмкін.
Жол жүру ережелерін сақтау – жай ғана талап емес, сіздің және айналаңыздағы адамдардың қауіпсіздігіне тікелей қатысты!