Алматыда белгілі қоғам белсендісі Амантай қажы жөндеуден өткен көпірдің бағанасына жазу жазып, бүлдіріп кеткен, – деп хабарлайды Aikyn.kz.
Threads әлеуметтік желісінде Сейфуллин мен Райымбек батыр көшелерінің қиылысындағы жақында реконструкциядан өткен көпірді белгісіз қарияның бояп жатқан сәті жарияланды.
«Тапа-тал түсте еш ұялмастан, көпірді мағынасыз суретімен бүлдірді. Мұндай адамдарды әкімшілік жұмысқа тартып, жасағанын өзіне жуғызу керек», – деп жазды оқиға куәгері.
Әлеуметтік желі қолданушылары көпірді бүлдірген адам қоғам белсендісі ретінде танымал Амантай қажы екенін жазды.
Полицияның хабарлауынша, құқық бұзушыға қатысты әкімшілік іс қозғалып, ескерту жасалды.
«Қала тазалығы – бәріміздің ортақ жауапкершілігіміз. Азаматтарды қоғамдық тәртіпті құрметтеуге, шаһардың көркіне нұқсан келтіретін әрекеттерге жол бермеуге шақырамыз», – деді Алматы қалалық ПД.