Жас шабуылшы шап жарақатына байланысты ұлттық құраманың оқу-жаттығу жиынына келмеген. Осылайша, ол 2026 жылғы әлем чемпионатының іріктеу кезеңіндегі қазан айындағы матчтарға қатыспайды.
Дастан Сәтпаев соңғы рет 5 қазанда Премьер-лигадағы кейінге қалған ойында "Жетісуға" қарсы толық 90 минут ойнап шыққан. Кездесу "Қайраттың" ірі жеңісімен – 5:0 есебімен аяқталды.
Атап айтсақ, Қазақстан құрамасы қазан айында екі маңызды кездесу өткізеді. Оның бірі – 10 қазанда өз алаңында Лихтенштейнмен, ал 13 қазанда сырт алаңда Солтүстік Македониямен ойнайды.