Италияның Милан қаласында өткен жасөспірімдер арасындағы Әлем кубогы кезеңінде Қазақстан құрамасы үш алтын медаль иеленді. Барлық жүлдені 19 жастағы Кристина Шумекова жеңіп алды, – деп хабарлайды Aikyn.kz
Шумекова сенбі күні 1000 және 3000 метр қашықтықтарда бірінші орын алды. Бүгін ол 1500 метрде жеке рекордын жаңартып, мұз айдынының жаңа рекордын орнатты:
🥇 Кристина Шумекова (Қазақстан) — 1:57.84
🥈 Аяно Секигучи (Жапония) — 2:00.56
🥉 Цзяминь Цзян (Қытай) — 2:01.48
1500 метрлік қашықтықта 18 жастағы Анастасия Беловодова да үздік ондыққа еніп, сегізінші орын алды (2:03.98).
Өткен жылы Кристина Шумекова Оңтүстік Кореяда өткен жасөспірімдер Олимпиадасында Қазақстан құрамасының ту ұстаушысы болған еді.