Шымкентте Орталық Азия Инновациялық университетінде университет түлегі Сәкен Бибосыновпен кездесу өтіп, бокстан екі дүркін әлем чемпионына құрмет көрсетілді, - деп хабарлайды Aikyn.kz
Кездесуде танымал боксшы өзінің спорттағы жолы туралы айтып, табандылық пен тәртіптің маңызы, жеңіске жетудегі еңбек пен сенім туралы ой бөліскен. Іс-шара барысында университет басшылығы Сәкен Бибосыновқа 2миллион теңге көлемінде қаржылай сыйақы табыстап, сәйгүлік мінгізіп, шапан жапқан.
"Бұл – ел мерейін асырған спортшыға көрсетілген зор құрметтің белгісі. Бұл кездесу студенттер үшін үлкен мотивация болып, жастарды спортқа, табандылыққа және елге қызмет етуге шабыттандырды", - делінген хабарламада.