«Қайрат» бразилиялық пен фин ойыншысынан кейін аргентиналық футболшыны да қатарға қосты, – деп хабарлайды Aikyn.kz
24 жастағы оң қаптал шабуылшысы Себастьян Себальос Қазақстан чемпионымен екі жылдық келісімшартқа қол қойды.
Бойы — 168 см, салмағы — 65 кг. Өткен маусымда боливиялық «Реал Оруро» сапында 40 матч өткізіп, 18 гол соғып, 5 нәтижелі пас берді.
Себальосқа дейін «Қайрат» Түркияның бірінші лигасындағы «Ван Спордан» бразилиялық орталық қорғаушы Лукас Африконы және финдік КуПС клубынан орталық жартылай қорғаушы Яакко Оксаненді қатарға қосқан.