Қарағанды облысының бес мұражайында онлайн-тур басталды. Тұрғындар үйден шықпай-ақ мәдени мұралармен таныса алады. Бұл өңір тұрғындары ұзақ демалыста зерігіп қалмас үшін жасақталды.
Виртуалды турлар облыстың бес мұражайында: Қарағанды бейнелеу өнері, Жезқазған тарихи-археологиялық, Теміртау қалалық тарихи-өлкетану мұражайында, ҚР Тұңғыш Президентінің Теміртаудағы тарихи-мәдени орталығында және Долинка қаласындағы саяси қуғын-сүргін құрбандарын еске алу мұражайында қолжетімді.
Бұл мұражайларда онлайн-экскурсиялар барлық залдар бойынша өткізіледі. Ал бейнелеу мұражайында Наурыз мейрамына арналған тақырыптық көрмені виртуалды көруге болады.
– Біз мұражайымызда «Наурыз – көктем мерекесі» көрмесін 13 наурызда ашқан болатынбыз. Көктемгі экспозиция мұражай қорынан құрылды. Онда қазақ халқының сәндік-қолданбалы өнері ұсынылған. Виртуалды экскурсия екі тілде жүргізіледі және Muz-kar-izo.kz сайтында қол жетімді, – дейді бейнелеу өнері мұражайының ғылыми қызметкері Назерке Жартын.
Виртуалды саяхатқа келесі сілтемелер арқылы кірігу болады:
Жезқазған тарихи-археологиялық мұражайы – https://youtu.be/AyrAemr_rRY;
Теміртау қалалық тарихи-өлкетану мұражайы – https://youtu.be/4g71zxIYkVM;
ҚР Тұңғыш Президентінің тарихи-мәдени орталығы – temcenter.kz;
Долинка кентінің саяси қуғын-сүргін құрбандарын еске алу мұражайы – karlagmuseum.kz.
Ләззат Қожахметова,
Қарағанды облысы.
