Халықаралық әйелдер күніне орай Ұлттық ұлан әскери қызметшілері қала тұрғындарын 8 наурыз мерекесімен құттықтады, – деп хабарлайды Aikyn.kz сайты.
Мерекелік шара барысында ұландықтар қала көшелерінде нәзік жандыларға гүл шоқтарын табыстап, жылы лебіздерін білдірді.
Іс-шараның басты мақсаты – әйелдерге құрмет көрсету, олардың қоғамдағы маңызды рөлін атап өту және мерекелік көңіл-күй сыйлау болды. Әскери қызметшілер аналарға, әжелерге, қыз-келіншектерге ізгі тілектер айтып, оларға қуаныш сыйлады.
Күтпеген мерекелік құттықтау қала тұрғындарына ерекше әсер қалдырды. Әйелдер қауымы ұландықтарға ризашылықтарын білдіріп, осындай көңілді әрі жүрекке жылы шара ұйымдастырғаны үшін алғыстарын жеткізді.
Мерекелік акция қала тұрғындарына көтеріңкі көңіл-күй сыйлап, көктемнің алғашқы шуақты мерекесін одан әрі айшықтай түсті.
Қорытындысында ұландықтар қала тұрғындарын тағы да Халықаралық әйелдер күнімен құттықтап, барша нәзік жандыларға зор денсаулық, отбасылық бақыт пен табыс тіледі.