Қазақстандық дзюдошы Айдар Арапов Қытайдың Ордос қаласында өтіп жатқан Азия чемпионатында қола жүлдеге ие болды, – деп хабарлайды Aikyn.kz сайты.
Спортшы 90 келіге дейінгі салмақ дәрежесінде жүлдегер атанды.
Үшінші орын үшін өткен белдесуде Арапов Қырғызстан өкілі Эрлан Шеровты жеңді.
Айта кетейік, қазіргі таңда Қазақстан құрамасының еншісінде төрт жүлде бар. Бұған дейін Әділет Алмат (81 келіге дейін) алтын медаль жеңіп алған. Ал Эсмигүл Куюлова (63 келіге дейін) мен Абылайхан Жұбаназар (81 келіге дейін) қола жүлдегер атанды.