Бұл жайында 31 жастағы азамат полицияға шағымданған. Оның айтуынша, жұмыс бойынша хабарласқан ол, әлгі бейтаныспен сөзге ілігіп қалған. Өзін өзге ұлттың есімімен атаған жігіт оған қазақты жұмысқа алмайтынын айтып, балағаттап тастаған. Полицейлер мәселенің анық-қанығын тексере келе, оның 29 жастағы қазақтың балас екенін анықтады. Кешірім жасаған, шағымданушы арызын қайтып алды. Әйтпегенде, әлгі жігіт ұлтаралық араздық туғызғаны үшін іс қозғалып, 7 жыл бас бостандығынан айырылар еді. "Ойнап жүріп от бастым" дегенді сонда көрер еді.