Токио губернаторы осы жылдың соңына дейін Олимпиада болмайды деп мәлімдеді. Бұған дейін Канада мен Австралияның Олимпиадалық комитеттері коронавирустық пандемияға байланысты спортшыларын Токиода өтетін 2020 жылғы Олимпиадаға жіберуден бас тартқан болатын.Жазғы Олимпиада ойындары 24 шілдеден 9 тамызға дейін Токиода өткізілуі керек еді. Алайда коронавирустың әлемде таралуы ушығып кеткен соң, тіпті, бірқатар олимпиадалық іріктеу шаралары тоқталып жатыр.
