Жылыту маусымы аяқталмай жатып, коммуналдық тарифтердің болашағы қайта талқыға түсті, – деп хабарлайды Aikyn.kz сайты.
Энергетика вице-министрі Бақытжан Ілияс Үкіметтегі брифингте тариф өсімі әзірге қаралмайтынын мәлімдеді.
Оның айтуынша, нақты шешім жылыту маусымы толық аяқталып, энергия жүйесінің жұмысы жан-жақты сарапталғаннан кейін ғана қабылданады. Демек, алдымен елдегі инфрақұрылымның жағдайы мен жүйенің тиімділігі бағаланады.
Вице-министр тарифке әсер ететін негізгі факторларды да атап өтті. Олардың қатарында жабдықтарды жөндеу қажеттілігі мен инфрақұрылымның тозуы бар. Бұл шығындар болашақта бағаға ықпал етуі мүмкін.
Дегенмен қазіргі таңда коммуналдық төлемдердің нақты қашан және қаншаға өсетіні белгісіз.