Салтанатты жиынға облыстық Полиция департаментінің, Қорғаныс істері жөніндегі департаменттің, Төтенше жағдайлар департаментінің өкілдері, аумақтық қорғаныс бригадасы, Ұлттық ұлан әскери қызметшілері, ардагерлер мен жас сарбаздар қатысты.
Былтыр Түркістан облысынан 5 мыңға жуық жас әскер қатарына қосылған. Биыл да бұл үрдіс жалғасып, өңір жастары Қазақстан Қарулы Күштерінің қатарын толықтырып жатыр. Мерекелік іс-шарада Түркістан облысының әкімі Нұралхан Көшеров жиналған қауымды мерекемен құттықтап, ел қауіпсіздігін қамтамасыз ететін азаматтардың еңбегіне жоғары баға берді. Өңір басшысы қорғаныс саласындағы мінсіз қызметі үшін бірқатар әскери қызметшіні марапаттады.
Айсұлу СЪЕЗХАН