Іс-шара Отан қорғаушылар күніне орай ұйымдастырылған. Қатысушылар демалыс орнының бойымен 1 шақырым жолды жүгіріп өтуге тиіс. Жарысқа еңбектеген баладан еңкейген кәріге дейін қатысқан. Басты мақсат – тұрғындарға саламатты өмір салтын насихаттау, аға мен жас буын арасындағы сабақтастықты нығайту. Іс-шара жергілікті ассамблея қызметкерлерінің қолдауымен өткен.
Бәсекеге барлығы 100-ге жуық адам қатысқан. Олар ең алдымен дене қыздырып, жаттығу жасады, одан соң бірінен-бірі өтіп, жарыс жолында өнерін көрсетті. Спорттық мереке соңында қатысушыларға дипломдар мен бағалы сыйлықтар табысталды.
Айсұлу СЪЕЗХАН