Қайғылы жағдай Астанадағы тұрғын үй кешендерінің бірінде болды. Алған жарақаттарынан бала оқиға орнында қаза тапты, – деп хабарлайды Aikyn.kz
Астана қаласының Полиция департаменті бұл факт бойынша қылмыстық іс қозғалғанын хабарлады. Қазір құқық қорғау органдарының қызметкерлері оқиғаның барлық мән-жайын анықтап жатыр.
Баланың терезеден құлау фактісі бойынша қылмыстық іс қозғалды.
Алдын ала мәліметтер бойынша, 4 жасар бала 7-қабаттың терезесінен құлап кетіп, алған жарақаттарынан оқиға орнында көз жұмған. Қазіргі уақытта оқиғаның барлық мән-жайы анықталып жатыр, – деп хабарлады ведомствоның баспасөз қызметі.
Полиция департаменті ата-аналарға қауіпсіздік шараларын қатаң сақтау қажеттілігін ескертеді.