Бүгін Қазақстан бойынша дауылды ескерту жарияланды, – деп хабарлайды Aikyn.kz.
Астана қаласында, Ақмола, Қызылорда және Маңғыстау облыстарында шаңды дауыл күтіледі.
Астана қаласында күн бұлтты, жаңбыр жауып, найзағай ойнайды. Желдің жылдамдығы 9-14 м/с, екпіні 15-20 м/с, кей уақытта 23 м/с-қа дейін жетеді. Ауа температурасы түнде +20...+22°C, күндіз +37...+39°C.
Алматы қаласында күн бұлтты, жаңбыр жауып, найзағай болады. Желдің жылдамдығы 3-8 м/с, екпіні 13 м/с-қа дейін күшейеді. Ауа температурасы түнде +21...+23°C, күндіз +32...+34°C.
Шымкент қаласында солтүстік-батыстан жел соғады. Күндіз желдің екпіні 15-20 м/с-қа жетеді. Жоғары өрт қаупі сақталады.
16 шілдеде Түркістан облысында күндіз 45-46 градус өте қатты ыстық күтіледі.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.