К.Байсейітова атындағы Қазақ ұлттық өнер университетінің «Елігай» балалар хоры Гонконг пен Шэньчжэнь қалаларында өткен II халықаралық хор фестивалінде Gold Award (алтын жүлде) иегері атанды, – деп хабарлайды Aikyn.kz сайты.
Ұжым «Хор ұжымы» аталымында ең жоғары ұпай жинап, халықаралық қазылар алқасының жоғары бағасына ие болды. Жас өнерпаздар кәсіби орындаушылық шеберлігі мен шығармаларды әсерлі жеткізуімен ерекшеленді.
12-17 шілде аралығында өткен фестивальге әлемнің оннан астам елінен хор ұжымдары қатысқан. Қатысушылардың өнерін Австралия, Италия, Германия, Қытай, Таиланд, Беларусь және Қазақстанның танымал дирижерлері, композиторлары мен педагогтері бағалады.