Шымкентте TikTok әлеуметтік желісіндегі тікелей эфир кезінде балағат сөздер айтып, қоғамдық тәртіпті бұзған 39 жастағы ер адам 10 тәулікке әкімшілік қамауға алынды, – деп хабарлайды Aikyn.kz сайты.
Полицияның мәліметінше, құқық бұзушылық әлеуметтік желілерге жүргізілген кезекті мониторинг барысында анықталған. Қала тұрғыны Қуанышбек Умарбеков тікелей эфир кезінде бейәдеп сөздер айтып, қоғамдық тәртіпті бұзған.
Полиция әлеуметтік желідегі тікелей эфирлер мен жарияланымдар да заң талаптарына сай болуы керектігін ескертті.
«Лайк», қаралым немесе танымалдық үшін қоғамдық тәртіпті бұзу, әдепсіз әрекет жасау және құқыққа қайшы контент тарату заңда белгіленген жауапкершілікке әкеп соғады.
Министрлік заң талаптарының цифрлық кеңістікте де баршаға бірдей қолданылатынын еске салды.