Jibek Joly телеарнасында тікелей эфирде Құрылтай депутаттарын сайлауға қатысатын жеті саяси партия өкілдерінің дебаты өтті, – деп хабарлайды Aikyn.kz.
Партиялар сайлаушылар алдында міндеттерін жариялады.
Онлайн дауыс беру нәтижесі бойынша, «Әділет» партиясы 60,6% дауыс жинап, көш бастады.
«Ауыл» партиясы 15,1% дауыспен екінші орынға шықты, одан кейін «Республика» партиясы 10,2% дауыс. Содан кейін ЖСДП 3,9%, «Ақ жол» 3,5%, «Қазақстан халық партиясы» 3,3% және «Байтақ» 2,7% дауыс.
Сауалнамаға қатысушылардың тағы 0,7%-ы «Маған ешкім ұнамады» нұсқасын таңдады.
Jibek Joly телеарнасы тікелей эфирі кезінде көрерменге «Қай партия командасының сөзі өтімді?» деген сауал қойылды. Көрермендер экранның төменгі жағындағы QR-код арқылы дауыс берген. 2 сағатқа жуық аралықта сауалнамаға 165 153 көрермен қатысты.
Сауалнаманы Jibek Joly телеарнасының тапсырысы бойынша Қазақстандық қоғамдық даму институты жүргізді. Айта кетейік, онлайн дауыс беру сайлау учаскесінде берілетін ресми дауыстың орнын алмастырмайды және сайлауға қатысушы партияның ресми рейтингін білдірмейді. Бұл – көрерменнің командалық телевизиялық дебатқа қатысқан партия өкілдерінің жауабы мен белсенділігіне берілген дербес баға.
Онлайн сауалнама нәтижесі саяси партияларды сайлаушылардың қолдау деңгейін көрсетпейтінін атап өту маңызды. Ұйымдастырушылар атап өткендей, көрермендер тек өз өкілдерінің теледебаттардағы өнерін ғана бағалады - олардың өз ұстанымдары мен сайлауалды платформаларын қаншалықты сенімді түрде ұсынғанын, сұрақтарға жауап бергенін және талқылауға қатысқанын бағалады.
Алдыңғы аралық дауыс беру нәтижесі бойынша «Әділет» партиясы 59,5% дауыспен көш бастап тұрды. Одан кейін «Ауыл» 14,4% және «Республика» 12,1% дауыс жинады. Қазақстанның Халық партиясы 4,2%, ЖСДП 3,7%, «Ақ жол» 3,4% және «Байтақ» 2,1% дауыс жинады. Сол кездегі көрермендердің 0,6%-ы «Маған ешкім ұнамады» нұсқасын таңдаған еді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.