ҚР ТЖМ «Қазавиақұтқару» ұшқыштары Екібастұз қаласынан Павлодар қаласына жаңа туған нәрестені облыс орталығындағы медициналық мекемеге жеткізу үшін санитарлық рейс орындады, – деп хабарлайды Aikyn.kz.
Ұшу барысында кішкентай науқастың жағдайын санитариялық авиация дәрігерлері тұрақты бақылауда ұстап, қажетті медициналық көмек көрсетті. Ұшу сәтті өтті.
Санитариялық авиация рейстері төтенше жағдайларда жедел медициналық көмек көрсетуге мүмкіндік береді. Бұл әсіресе шалғай елді мекендердің тұрғындары үшін аса маңызды.
ТЖМ авиациясы адамдарды құтқару және шұғыл көмек көрсету міндеттерін тәулік бойы орындауға дайын.