Тараз қаласының Ұлы дала шағынауданында орналасқан бес қабатты тұрғын үйдің бесінші қабатындағы пәтерде жиһаз өртенген, – деп хабарлайды Aikyn.kz.
Оқиға орнына жедел түрде ТЖМ қызметкерлері жетті. Тұрғындардың қауіпсіздігін қамтамасыз ету мақсатында ғимараттан баспалдақ арқылы 79 адам, оның ішінде 23 бала эвакуацияланды.
Өрт 2 шаршы метр аумақта сөндірілді. Зардап шеккендер жоқ.
ТЖМ ескертеді: өрт қауіпсіздігінің қарапайым ережелерін сақтау қайғылы жағдайлардың алдын алуға көмектеседі. Электр құрылғыларын қараусыз қалдырмаңыз, ал төтенше жағдай туындаған кезде дереу 112 нөміріне хабарласыңыз.